Sunday, July 31, 2011

இரகசியமில்லா சினேகிதிகளுக்காக

இரங்கநாதான் தெரு
நெரிசலையும்
நேசிக்கிறேன்
நான்
நுனிவிரல்
கோர்த்து
உரசி
நடக்கையில்!

Tuesday, July 19, 2011

இரகசியமில்லா சினேகிதிகளுக்காக

பீத்தோவன்
பிச்சைவாங்குவான்
உன்
செல்ல
சினுங்கல்களின்
சிம்போனியில்

or


பீத்தோவன்
பிச்சைவாங்குவான்
உன்
சின்ன
சிரிப்பொலியின்
சிம்போனியில்

p.s
With the choice of words it could be 18+ or 18- :)

Thursday, July 14, 2011

Rules of negotiation

  1. You have something interesting to be offered to the other party
  2. The other party may be genuinely interested in accepting your offer
  3. Both will agree to a fair loss for the gain.
Even if one of the rules could not be met, there is no point of negotiation.

If, with out following all the three rules, some one calls the conversation, a negotiation then

One or both the parties don't know what negotiation mean.
[OR]
It is possible, one of them is takin the other for a ride

Monday, July 11, 2011

ஒடுங்க,ஒடுங்க அது வருது!

நினைவு தெரிந்த வரை, மொத்த குடும்பமும் சென்று வந்த முதல் கல்யாணம். இரு நாட்களும் நான் முழுக்கை சட்டை அணிந்திருந்தேன் என்பது போன்ற வரலாற்று முக்கியத்துவம் வாய்ந்த சமாச்சாரங்களை ஆவணப்படுத்துவதையும் தாண்டி மிக  முக்கியமானது கற்ற பாடத்தை கல்வெட்டில் பொறித்து வைப்பது!

சிறுவனாய் இருந்த போது கல்யாணங்களில் பார்த்த பலருக்கு என்னை அடையாளம் தெரியவில்லை. சிலரை என்னால் அடையாளம் காண இயலவில்லை. பலரைக் காணவில்லை! காலச்சக்கரம் சுழன்று கொண்டிருக்கிறது!

”யாரிது?”, ”ஞாபகம் இருக்கிறதா?”, ”என்னைத் தெரியுமா” என்று கேட்பவர்கள் எல்லாம் அப்பாவிகள் அப்பிராணிகள். நல்லவர்கள். அவர்களிடம் முடிந்த வரை பேசிக்கொண்டிருக்கவும்.

”அப்புறம் தம்பி நீங்க என்ன தான் பண்றீங்க” என்று கேள்விகள் வரவில்லையெனில் சமுதாயம் பண்பாடு என்ற ஒன்றை மறந்துக் கொண்டிருகிறதா என்ற ஆராய ஆரம்பிக்கலாம். இப்படி கேட்பவர்கள் சராசரிகள். சகித்துக் கொள்ளலாம்.

ஆனால் எல்லாவற்றையும் விட கடுப்பேற்றும் சமாச்சாரம், முதல் சந்திப்பில் நான்காம் கேள்வியாய் “எவ்வளவு வயசாகிறது?” என்று கேட்பவர்கள்.
நான் என்ன சினிமா நடிகையா? இல்லை இவர்கள் எல்லாம் சினிமா நிருபர்களா?
பி.கு
பின்லேடனை பாகிஸ்தானில் அமெரிக்கா கொன்றிருக்கலாம். ஆனால் சொந்தக்காரர்கள் என்ற போர்வையில் இருக்கும் சிலர் பின்லேடன்(லேடிகள்) மிக பயங்கரமானவர்கள். அவர்களிடமிருந்து நம்மை அமெரிக்கா என்ன ஆண்டவனால் கூட காப்பாற்ற முடியாது!

Friday, July 01, 2011

பிளஸ்-ஃபேஸ்புக் பிழைக்குமா?

சில பல வருடங்களுக்கு முன் கல்லூரியில் முதல் நாள் காலடி எடுத்த வைத்த போது இரண்டாவதாக நான் பார்த்த பெண் அவள். இது ஒரு ரைமிங்க்காக எழுதப்பட்டது அல்ல. நிஜமான நிஜம்.

வெள்ளை முகம், இது போதாதா ஆவென வாய் பிளந்து பாக்க, ஆனால் அண்ணாந்து பார்க்க வேண்டிய அளவு உயரமும் இல்லாமல் குள்ளமும் இல்லாமல் அளவான உயரம்.[கூடைப் பந்து கூட விளையாடுவாள்!] அப்புறம் நீளமான முடி. என பராக்கு பார்க்க பல இது போதாதாக்கள்.

முதல் வருடம் முழுவதும் அவள் பக்கத்திலே உக்கார்ந்தவன்.

கடைசி வருடம் முழுக்க அவள் கூட சுற்றியவன்

எல்லா வருடமும் அவள் பின் சுற்றியவர்கள், பலர்

வேலைக்கு சேர்ந்த இடத்திலும், எங்க காலேஜ் பொண்ணு என்னதான் பாக்கும் என சுற்றியவர்களும் உண்டு.

பத்து வார்த்தைகளுக்குள் சொல்ல வேண்டுமென்றால், பிகருக்கு பக்த கோடிகள் மிக அதிகம், அடியேன் உட்பட

அப்புறம் அவள் மாற்றலாகி போன பின், என் மனதில் அவளுக்கு இடம் இல்லை. கியூவில் இருக்கும் மற்ற மக்களுக்கும் இடம் கொடுக்க வேண்டுமல்லவா.

ஒரு நாள் வழக்கம் போல வெட்டியாக ஃபேஸ்புக்கில் மேயும் போது சாபக்கேடான சாப்ட்வேர் காரணமாக பிரண்ட்ஸ் சஜஷனில் அவள் பெயர்! ப்ரொபலைப் போய்ப் பார்த்தால் கணவனை கட்டிய படி போட்டோ.

வட போச்சே என்ற வருத்தத்தில் மேலும் பார்த்தால் என்னைப் போன்ற பக்தர்களை விட நாலே வருடம் பெரிய அக்கா. ஆடிப் போய் விட்டேன்.
இவருக்கா இவ்வளவு அக்கப் போர்[நம்மை விட பெரியவர்களுக்கு மரியாதை தர வேண்டுமல்லவா?]

இப்படி மனதை மெர்சலாக்கும் படங்கள், வாழ்க்கையை உய்விக்கும் செய்திகள் அனைத்தும் கூகிள் கூட்டலில் கஷ்டமின்றி கிடைக்குமென்றால் ஃபேஸ்புக் ஃபேஸ் இல்லாமல் போகும் நாள் வெகு தொலைவில் இல்லை.பிக்காஸா செட்டிங்க் மாற்றத்தை மனதில் வைத்துப் பார்த்தால் கூகூவிற்கு பிரகாசமான எதிர்காலம் என்று தான் தோன்றுகிறது.

பி.கு
இந்த பதிவை ட்வீட்டுவதால் டிவிட்டரின் தீர்க்காயுசை நீங்கள் தெரிந்துக் கொள்ளலாம்